ქართული მარკების გამოცემას საქართველოში დიდი ხნის ისტორია აქვს. სარწმუნო წყაროებით ირკვევა, რომ რუსეთის იმპერიის მიერ 1857 წელს გამოცემული იქნა 6 კაპიკიანი მარკა -”ტიფლისის საქალაქო ფოსტის მარკა”. აღნიშნული გამოცემა თბილისში დაიბეჭდა. დღეისათვის იგი იშვიათობას წარმოადგენს და ფილატელისტთა შორის დიდ ინტერესს იწვევს.

  - საქართველოს დამოუკიდებლობის აღდგენის შემდეგ მხოლოდ 1993წ. 31 ივლისს გამოიცა პირველი ეროვნული საფოსტო მარკების სერია - ”საქართველო გაეროს წევრი”, რომელიც მიეძღვნა საქართველოს გაეროში გაწევრიანების პირველ წლისთავს.

- მარკა ”ვარდების რევოლუცია” მიძღვნილი იქნა ვარდების რევოლუციისადმი

მარკა ქვეყნის სავიზიტო ბარათი და ერთგვარი ისტორიაა, რომელზეც ქრონოლოგიურად აისახება ქვეყნის ისტორია, პოლიტიკა, მომავალი და ა.შ. 1993 წლიდან დღემდე გამოცემულ იქნა 450-ზე მეტი სხვადასხვა დასახელების მარკა, რომლის საერთო ტირაჟი დაახლოებით 40 მლ-მდეა. ამ მარკების 60% ბადურ ქობლიანიძის ნამუშევარია. საქართველოში დაბეჭდილი ახალი მარკები კი დიზაინერ ბადრი გაგნიძის მიერაა შესრულებული. პირველი მარკა ესპანეთში დაიბეჭდა, მერე იბეჭდებოდა ევროპის სხვადასხვა ქვეყნებში.