ბანდეროლი, ამანათი, ღია ბარათი და სხვა საიტი დაგეხმარებათ მიიღოთ თქვენთვის

საინტერესო ინფორმაცია საფოსტო გზავნილებათა ტიპის, სახეების,

სამომხმარებლო ტარიფების შესახებ!

• ძირითადი მომსახურება – საფოსტო გზავნილებათა (წერილები, საფოსტო ბარათები, ბანდეროლები, მცირე პაკეტები, ამანათები, საფოსტო კონტეინერები, საფოსტო და სატელეგრაფო ფულადი გზავნილები) მიღება-გადაგზავნა-ჩაბარება;
• დამატებითი მომსახურება _ გადასახადების მიღება, ჟურნალ-გაზეთების გამოწერა-რეალიზაცია, საფოსტო გზავნილებათა შეფუთვა, ამანათების თანმხლები ბლანკების, შიგნადების აღწერილობის შევსება, მისამართისა და წერილობითი შეტყობინების დაწერა, საფოსტო გზავნილებათა ბინაზე მიტანა, ბინაზე მიღება, გამგზავნის მოთხოვნით ტვირთის გადაზიდვა და დანიშნულებისამებრ მიღება-ჩაბარება.

• წერილი - რომლითაც იგზავნება წერილობითი შეტყობინება, საქმიანი ქაღალდები, ფოტოსურათები, მხატვრული ღია ბარათები, სქემები;
• ბანდეროლი - რომლითაც იგზავნება ბეჭდვითი გარიგებები, საქმიანი ქაღალდები, ხელნაწერები, ფოტოსურათები, ალბომები, რვეულები, სამკურნალო ბალახი, ხმოვანი ჩანაწერი და ის საგნები, რომლებიც გამგზავნისათვის არ წარმოადგენს ფასეულობას;
• ღია ბარათი - რომლებიც გამოიყენება წერილობითი შეტყობინებისათვის, სადღესასწაულო მილოცვისათვის და ა.შ.
• ამანათი – რომლითაც შეიძლება გაიგზავნოს ნებისმიერი ნებადართული საყოფაცხოვრებო ძვირფასი საგნები და ნივთები დაშვებული წონის ფარგლებში (20კგ);
• ფულადი გზავნილები - რომელიც ეგზავნება და გაიცემა ადრესატზე ფოსტის მეშვეობით;
• ადგილობრივი ეწოდება გზავნილს, რომლებიც მიიღება და ბარდება ქვეყნის ფარგლებში;
• საერთაშორისო ეწოდება გზავნილს, რომელიც ეგზავნება სხვა სახელმწიფოს ან მიღებულია სხვა ქვეყნიდან, ან გადაადგილდება ტრანზიტით ქვეყნის ტერიტორიაზე.  
• უბრალო ეწოდება საფოსტო გზავნილს, რომელიც მიიღება ისე, რომ გამგზავნს ქვითარი არ ეძლევა. გადაიგზავნება თანმხლებ დოკუმენტებზე მიუწერავად და მიმღებს ბარდება ხელმოწერის გარეშე.
• შეკვეთილი ეწოდება გზავნილს, რომელზედაც გამგზავნს ეძლევა ქვითარი. გადაიგზავნება თანმხლებ დოკუმენტებზე მიწერით და დანიშნულების ადგილზე გაიცემა ადრესატის ხელმოწერით;
• ფასიანი (დაზღვეული) ეწოდება ფასგამოცხადებულ გზავნილებს (წერილები, ბანდეროლები, ამანათები), რომელთაც გამგზავნი ადებს ფასს;
• ავიაგზავნილები ეწოდება გზავნილებს, რომელებიც მიიღება და იგზავნება საჰაერო ტრანსპორტის საშუალებით;

ღირებულების გადახდა ხდება დამტკიცებული ტარიფების მიხედვით გზავნილის ტიპის, წონისა და მომსახურების სახის შესაბამისად;

• საერთაშორისო პასუხის კუპონი _ წინასწარ გადახდილი საფოსტო ნიშნული, რომელიც გამოშვებულია უნივერსალური საფოსტო განყოფილების მიერ, შეძენილ შეიძლება იქნეს ნებისმიერ საფოსტო განყოფილებაში, რათა გაგზავნილი იქნეს წერილი, რომლის წონაც არ აღემატება 20 გრამს.